Aurreneko Bolumena

Proiektuaren aurreneko bolumena sortu da azkenik. Oso forma sinplea da, baina hobe pixkanaka konplikatzen joan hasieratik Guggenheim formako zerbait izatea baino, ezta?

Ea zer iruditzen zaizuen, eta beti bezala, iritzi eta iradokizunak esker onez hartuko dira...

Espazio ezberdinen arteko erlazioa

Blog-eko aurreko sarrera honetan, Hernaniko Musika Zentruaren programa izango zena erakutsi nizuen. Gaurko honetan, programa horren espazio ezberdinen arteko erlazioen diagrama hau dakart.

Eraikinaren aurreneko bolumenak sortzeko prozesuan buru-belarri sartuta nagoenez, lagungarria izango zait egindako diagrama hau beti begibistan izatea.

Bertatik, aurreneko begirada batean, ondorio argi batzuk atera daitezke:

-Eraikinaren programa bi zati nagusitan banatua dago: auditorioa eta musika eskola

-Banaketa honek sarrera komun bat (erabiltzaile gehienek erabiliko dutena) eta bigarrenmailako sarrera baten (musikari erabiltzeko eta zamalanak egiteko) beharra dakar.

Ikusmirak

Gure garuna ez omen da gai, aurretik zentzumenek somatu ez duten ezer imaginatzeko. Aurretik ikusi, entzun, usaindu, ukitu edo dastatu ez duguna ezagutzea ezinezkoa zaigu. Inguruan dugunaz ohartu eta ikastea oso garrantzitsua da.

Arkitekto izateko bidean garenontzat, behar bada, are garrantzitsuagoa da ingurua ezagutzeko behar hau. Gure inguruan, eraikuntza eta azpiegitura ezberdinetarako ematen diren soluzioak aztertu eta baloratzea ezinbestekoa zaigu gure ogibide honetan hobeak izan nahi badugu.

Horretarako, eta nire erreflexio hauek zabaltzeko asmotan, nire inguruan ikusten ditudan obra ezberdinen balorazio eta azterketa txiki bat egiteko asmoa dut blog-aren sekzio berri honetan. Hona hemen aurreneko Ikusmira, ea gustatzen zaizuen!

Epe baterako trenbide gaineko oinezkoen pasabidea, Errekalde, Donostia:

Sekzio berri honetako aurreneko eraikuntza Errekalden kokatzen da. Duela ia urte bete, Donostialdeko Metroaren proiektua dela eta, Añorga Txiki eta Lasarte arteko trenbidearen saihesbide lanak hasi ziren. Proiektu honek, Errekalde auzoarentzat sarrera berri bat planteatzen du N-1 errepidea eta trenbidearen gainean.

Obra honek, ordea, orain arte trenbide gainetik pasatzen zen oinezkoen bidea ebakitzea eskatzen zuen. Horregatik, obrak bukatu bitartean, epe baterako pasabide berria hau eraiki behar izan da.

Pasabide berri hau andamio bidez eraiki dute. Urrutitik ikusita, zentzu gabeko burni eta altzairuzko nahaste bat ematen du, baina gerturatu ahala, trenbide gainetik igarotzeko 7-8 metro inguru altxatzen den ondo eraikitako egitura desmuntagarri bat dela antzeman daiteke.

Andamioak bertikalki kokaturik ez daudenez, egiturak ez du batere itxura onik, baina dagoeneko ia urte bete igaro da eraiki zenetik eta ez du arazorik eman! Gainera, ematen duenez irisgarritasun legeak eskatzen duen %6-ko malda maximoak betetzen ditu!

La Humanización del Espacio Urbano

Izenburua: La Humanización del Espacio Urbano; la vida social entre los edificios

Idazlea: Jan Gehl

Urtea: 1971

Argitaletxea: Editorial Reverté

Laburpena:

Este libro analiza por qué el uso del automóvil deteriora la calidad urbana; por qué los edificios residenciales altos son inconvenientes; qué hace que una calle sea atractiva para caminar; por qué en una ciudad sana los espacios públicos, y no los centros comerciales, son el lugar de encuentro; cuántos bancos debe haber en un espacio público y cómo se deben situar. Jan Gehl se adentra en temas tan fascinantes como el de los bordes, y por qué preferimos estar en el borde de una plaza y no en medio de ella.

Si la ciudad es el lugar de encuentro por excelencia, más que cualquier otra cosa, la ciudad es su espacio público peatonal. Los seres humanos no pueden estar en el espacio de los automóviles, ni en los espacios privados que no les pertenecen. La cantidad y la calidad del espacio público peatonal determinan la calidad urbana de una ciudad. Jan Gehl señala que un espacio público es bueno cuando en él tienen lugar muchas actividades no indispensables, cuando la gente sale al espacio público como un fin en sí mismo, a disfrutarlo.

El trabajo de Gehl es profundamente humano; explora las necesidades que tenemos los seres humanos más allá de la supervivencia. ¿Qué necesitamos los seres humanos para nuestra realización mas plena? Necesitamos, por ejemplo, caminar, ver gente, estar con gente. Y la ciudad debe tener características que propicien ese contacto con otros. Una ciudad es sólo un medio para una manera de vivir; lo que propone este libro es una mejor manera de vivir, una manera más feliz de vivir.

Este libro es un mensaje para los arquitectos y les recuerda que su propósito no es ganar premios, sino enaltecer lo humano. Aunque sea hermoso -y debe serlo-, lo que diseñan es para ser vivido, no para ser evaluado por críticos de arte. En la ciudad bien diseñada de Gehl, la estrella es el ciudadano común y no el arquitecto fulgurante.

Orubearen 3D-a eta eguzkiztapena

Azken aste hau, proiektua sortzerako garaian erabilgarria izango zaiten orubearen 3D bat prestatzen pasa dut. Nahiko lan astuna izan da, orubea maldan dagoenez, lurzoru ia osoa eskuz egin behar izan baitut.

Eraikinen bolumenak era oso sinplean eginak daude, hala ere, emaitza nahiko ona izan dela uste dut. Hemen uzten dizuet Sketchup eta V-ray programekin egin dudan 3D-aren bideo bat:

Honez gain, 3D-ak orubeak urte osoan zehar jasotzen duen eguzkitzapena analizatzeko aukera eman dit. Analisi honetan ikusten den bezala, orubearen ipar aldea, elizaren alboan dagoena, da eguzki argi gehien jasotzen duena. Leku hau beraz, espazio publiko bat sortzeko egokiena dela uste dut.

Igo ditudan argazkietan urte osoko eguzkitzapenaren laburpen bat ikus dezakezue. Bertan urteko solstizio eta ekinozioetan goizeko 9-etan, eguerdian, arratsaldeko 3-tan eta 6-etan itzalen egoera zein den ikus daiteke. Gogoratu ordu hauek, eguzkiaren posizio errealarekin hartuta daudela.